2 желтоқсан жұманың сәтті күнінде облыстық "Білім саласындағы әдістемелік жұмыс және ақпараттық технологиялар орталығы" және қазақ тілі мен әдебиеті мұғалімдер зертханасының жоспарына сай кезекті отырыс Жамбыл ауданы Қожаберген жырау атындағы ЖОББМ-де өтті. "Жоғалтпа жер бетінен Қазақ атын!" тақырыбында ұлттық құндылықты дәріптеу, Қожаберген жырау есімін насихаттау мақсатында отырыс ұйымдастырылды. Облыстық ,аудандық мектептерден жалпы алғанда 30 шақты мұғалім қатынасты. Жұмыс барысында 9-сыныпта "Махамбеттің Баймағамбет сұлтанға айтқаны" тақырыбында ашық сабақ өткізілді. Мұғалімнің іс -тәжірибе қоржынына арналған шеберлік сыныбы, коучинг, диалог алаңы, заманауи баяндама, әдеби-сазды іс-шара көрсетілді. Мектеп мұражайына саяхат жасалды. Жүйелі жұмысқа зерделі мұғалімдердің көзқарастары мен мәселеге бағытталған орынды,сапалы пікірлері айтылып, жұмыла көтерген жүктің жеңіл екендігін қасиетті, киелі жердің ұстаздар ұжымы білімді, тәрбиелі, шығармашыл оқушылары арқылы көрсетті.